ئه‌مڕۆ ئۆتۆمبیلێك به 10 كۆچبه‌ری نایاساییه‌وه له شاری ئه‌لێكساندروپۆلی له باكوری یۆنان تووشی ڕووداوێكی هاتووچۆ بوو
نیوه‌ڕۆی ئه‌مڕۆ كاتژمێر 12:00 له شاری ئالێكساندروپۆلی له سه‌ر سنوری یۆنان و توركیا، ئۆتۆمبیلێك به 10 كۆچبه‌ری نایاساییه‌وه به‌هۆی تیژڕەوی تووشی ڕووداوی هاتووچۆ بوون.
به پێی زانیاریه‌كان كه ده‌ستی ماڵپه‌ڕی پشتی-نیوز كه‌وتوون، ئۆتۆمبیله‌كه له سه‌ر سنوری یۆنان و توركیا كۆچبه‌ره‌كانی بار كردبوو تاكو بیانگه‌یه‌نێته شاری ساڵۆنیك. له ڕێگاكه‌دا، سورعه‌تی ئۆتۆمبیله‌كه زۆر بوو، هه‌ر بۆیه پۆلیسی سه‌ر سنوری یۆنان گومانیان له ئۆتۆمبیله‌كه كرد و دوایان كه‌وتن.
شۆفێری ئۆتۆمبیله‌كه سورعه‌تی زۆر زیادت كرد تاكو پۆلیس ده‌ستگیریان نه‌كات به‌ڵام له سه‌ر ئۆتۆبانی شاری ئالێكساندروپۆلی، شۆفێره‌كه كۆنترۆڵی ئۆتۆمبیله‌كه‌ی له ده‌ستدا و تووشی ڕووداوی هاتووچۆ بوون.
له ڕووداوه‌كه‌دا به‌شێك له كۆچبه‌ره‌كان بریندار بوون كه یه‌كێكیان منداڵی ته‌مه‌ن 5 ساڵانه.
بۆ وه‌رگرتنی زانیاری زیاتر، وه‌ك تیمی ڕۆژنامه‌وانی پشتی-نیوز په‌یوه‌ندیمان كرد به به‌رپرسی پۆلیسی ئالێكساندروپۆلی، له وه‌ڵامدا تایبه‌ت به پشتی-نیوزیان ڕاگه‌یاند، 11 كه‌س تووشی ڕووداوێكی هاتووچۆ بوون كه یه‌كێكیان شۆفێره‌كه‌یه و 10 كۆچبه‌ری نایاسایی له گه‌ڵدا بوو. سورعه‌تۆ ئۆتۆمبیله‌كه زۆر بوو، هه‌ر بۆیه پۆلیسی ئالێكساندروپۆلی دوایان كه‌وتن به‌ڵام ئه‌وان ڕانه‌وه‌ستان و له سه‌ر ئۆتۆبان شۆفێره‌كه كۆنترۆڵی له ده‌ستدا و تووشی ڕووداوی هاتووچۆ بوون. هه‌مووان ڕه‌وانه‌ی نه‌خۆشخانه‌ی ئالێكساندروپۆلی كران، ته‌نها 2 كه‌س به بریندار بوون، ئه‌وانی دیكه ته‌ندروستیان جێگیره و هیچ كێشه‌یه‌كیان نیه.
پشتیوان جاف (Pishtiwan Jaf)
به‌ڕێوبه‌ری Pishti-News
