ئەنجوومەنی ئاسایشی هەرێمی کوردستان لە تۆڕی كۆمەڵایەتی “تویتەر” بڵاوی كردەوە کە ئاگادار کراونەتەوە هێزە عێراقییەکان لە دەوروبەری مەخموور، لە باشووری رۆژئاوای هەولێر جێگیر کراون و ئامادەکاری دەکەن بۆ هێرشکردنە سەر هێزەکانی پێشمەرگە لە نزیک ناوچەکە.
ھەروەھا زانیارییە هەواڵگرییەکان نیشانی دەدەن، لەماوەی پێنج رۆژی رابردوودا، سوپای عێراق، حەشدی شەعبی و پۆلیسی فیدراڵی رەوانەی ناوچەکە کراون و پلانیان هەیە هێرش بکەنە سەر گوێڕ، دیبەگە و دووبز، ئەو رێگەیەی کەرکووک و مووسڵ بەیەکەوە دەبەستێتەوە.
