کوردستان

بەهۆی دروستبوونی لافاوەوە كچێكی تەمەن 16 ساڵ گیانی لەدەستدا

لە گوندی كەوەڵەی سەربەناحیەی سەنگاو بەهۆی باران بارینی بەخوڕ و دروستبوونی لافاو كچێكی تەمەن 16 ساڵان ئاودەیبات و گیان لەدەستدەدات .

پاشنیوەڕۆی ئەمڕۆ كاتژمێر 5:30 خولەك بەهۆی دروستبوونی لافاو لە گوندی كەوەڵەی سەربەناحیەی سەنگاو كچێكی تەمەن (16)ساڵان ی بەڕەگەز عەرەب بەناوی ( و ، ع ، ع ) ئاو دەیبات.

 
لەم بارەیەوە بەڕێوەبەرایەتی پۆلیسی پارێزگای سلێمانی ڕایگەیاند “دوای گەیشتنی تیمەفریاگوزارییەكان تەرمی كچەكە بە خنكاوی دۆزرایەوە و لەلایەن بنكەی پۆلیسی سەنگاوەوە پەڕاوی لێكۆڵینەوە بۆ ڕووداوەكە كراوەتەوە”
هەروەها ئاماژەی بەوەشکردووە کجەکە بەڕەگەز عەرەبەو بەمەبەستی كاری ئاژەڵداری(شوانی )  لەگەڵ خێزانەكەی ڕویان لەناوچەی سەنگاو كردووە.
لەڕۆژی چوارشەممەوە شەپۆلێکی باران بارین ڕووی لەهەرێمی کوردستان کردووەو بەو هۆیەشەوە لەزۆرێک لەناوچەکان لافاو دروستبوەو بەڕێوبەرایەتی کەشناسی وبومەلەرزەزانی هەرێمی کوردستانیش پێشبینی دەکات تاڕۆژی یەکشەممە باران بارین بەردەوام دەبێت.
 
محەمەد کاک أحمەد
پەیامنێری(pishti-news)
زیاتر ببینه

ئه‌مانه‌ش ببینه‌

Back to top button