بەهۆی ڕووداوێکی ژاتووچۆ لە باکوری یۆنان 2 پەنابەری کورد گیانیان لەدەستدا
بەیانی ئەمڕۆ کاتژمێر 6:30 لە باکوری یۆنان لە ئۆتۆبانی
ناوچەی سێرێس ئۆتۆمبیلێک بە 8 پەنابەری گەنجی کوردەوە بەهۆی ڕووداوی هاتووچی دوو کەسیان گیانیان لەدەستدا و 6 کەسی دیکەیش بریندار بوون.
وەک تیمی ڕۆژنامەوانی پشتی-نیوز پەیوەندیمان کرد بە پۆلیسی ئەو ناوچەیە و تایبەت بە پشتی-نیوزیان ڕاگەیابد:
خێرایی ئۆتۆمبیلەکە زۆر بووە و لە سەر ئۆتۆبانی ناوچەی کەڤالا و سێرێس شۆفێرەکە کۆنترۆلی ئۆتۆمبیلەکەی لەدەستداوە و بەو هۆیەوە تووشی ڕووداوی هاتووچۆ بوون.
لە ڕووداوەکە 2 کەس گیانیان لەدەستدا و 6 کەسیان بریندار بوون. ژیانی برینداربووەکان لە مەترسیدا نیە.
چۆن ڕووداوەکە ڕوویدا؟
سەرچاوەیەکی باوەڕ پێکراو کە نەیویست ناوەکەی ئاشکرا بکەین، تایبەت بە پشتی-نیوزی ڕاگەیاند:
خێرایی ئۆتۆمبیلەکە 200 کیلۆمەتر دەبوو، لە لۆفەیەکدا شۆفێرەکە ویستی پێچ بکاتەوە، لەو کاتەدا بەهۆی خێراییەوە دوو تایەیی ئۆتۆمبیلەکە پەڕێن و بۆ ماوەی 40 مەتر تەقلەی لێداوە.
بە پێی بەدواداچوونی پشتی-نیوز، ناوی سێ کەسمان دەست کەوتوون کە ئەوان سەلامەتن:
1. هەردی غەفور لە دایکبووی 1994 خێزاندارە و خاوەنی دوو منداڵە
2. عەلی پەروین
3. هاشم حەسەن
ئەم سێ کوردە بریندارن لە نەخۆشخانەکانی باکوری یۆنان، سەلامەتن و ژیانیان لە مەترسیدا نیە.
پشتیوان جاف (Pishtiwan Jaf)
بەڕێوبەری Pishti-News
