ڤیدیۆ

بەڤیدیۆ: ساتەوەختی ڕزگار کردنی 100 کۆچبەر لە دەریای ئیجە

لە کۆی 100 کۆچبەر تا ئێستا 80 کۆچبەر ڕزگار کراون

شەوی ڕابردوو یەختێک بە نزیکەی 100 کۆچبەرەوە لە دەریای ئیجە ژێر ئاو کەوت نزیک دورگەی کیتیرای یۆنان

 

کاتژمێر 21:00 شەوی 6/10 یەختێک بە نزیکەی 100 کۆچبەرەوە کە لە کەنار ئاوەکانی تورکیا بەڕێ کەوتوبوو بەرەو ئیتاڵیا، نزیک دورگەی کیتیرا (Kythira)ی یۆنان لە ئاوی سێپەنجە، خۆی کيشە بە دورگەیەکی شاخاویدا و تەواوی یەختەکە تێکشکا و کۆچبەرەکان کەوتنە ناو ئاوەکەوە.

بە پێی ڕاگەیەندراوی وەزارەتی دەریاوانی یۆنان، بەهۆی شەپۆل و ڕەشابای بەهێزەوە ژیانی کۆچبەرەکان کاتژمێر 20:45 لە مەترسیدا بوو، پەیوەندیان بە ژمارە 112 کرد و داوای هاوکاریان کرد.          لەو کاتەدا ئێمە دوو باخیرەی گەشتیاری و هەلیکۆپتەرێکمان ڕەوانەی شوێنی ڕووداوەکە کرد، بەڵام بەهۆی خراپی کەش و هەواوە ڕزگار کردنی کۆچبەرەکان کارێکی ئاسان نەبوو. تا ئێستا 80 کۆچبەرمان ڕزگار کردووە و بە پێی وتەی ڕزگار کراوەکان، دەڵێن ئەوان 95 سەرنشین بوون،

وەزارەتی دەریاوانی یۆنان تایبەت بۆ پشتی-نیوز:

«ئەو کۆچبەرانەی لە کیتیرا تووشی ئەم ڕووداوە بوون، کورد و ئەغانی و ئێرانین. لە ڕووداوەکەدا تا ئێستا 80 مۆچبەر ڕزگار کراون لە نێویاندا، 55 پیاو و 7 ئافرەت و 18 منداڵ. 15 کۆچبەر تا ئێستا نادیارە

بەڤیدیۆ: ساتی ڕزگار کردنی کۆچبەرەکان

 

هەڵۆ خەلیل  (Halo Khalil)

پەیامنێری Pishti-News

زیاتر ببینه

ئه‌مانه‌ش ببینه‌

Back to top button