کوردستان

بە با چوونی خوێنی ڕۆژئاواییەکان

بۆیە هیچ دڵخۆش نەبووم بە بەرگیرییەکەی عەفرین چونکە حەسەن کەچەل و کەچەل حەسەن یەک واتای هەیە، بووم ڕوون و ئاشکەرا بوو بەرهەمی شەڕەکەی عەفرین تەنها کۆشتنی کورد و وێران کوردستانەو لە کوتاییدا داگیرکەر سودمەندە، چونکە پەکەکە لەسەر شەپوڵی هەستی نەتەوەیی خەریکی هەڵخەڵەتاندنی گەنجەکانی کوردو لەناو بردنی کوردستانە .. کاتی خۆی (ئاپو) بۆ حەسانەوەو مانەوەی خۆی لە سوریا بە (حافز ئەسەد)ی باوکی بەشار گۆتبوو هیچ کوردستانێک لە سوریا بوونی نییەو ئەو کوردانەی لێرەن کوردی تورکیان و بەئاوارە هاتوونە ئێرە!.

ئەگەر تورکیا ڕۆژئاوای داگیرکردبا باشتر بوو لەوەی ئەسەدی خوێنمژ بەفەرمی بگەڕێننەوە عەفرین، چونکە گەر تورکیا داگیری کردبا زۆرتر شەرعیەت بە کوردستانی بوونی ڕۆژئاوا دەدراو تورکیا وەکو داگیرکەر هەژمار دەکراو له کاتێکی پێویستدا شوڕشێک بەرپا دەبوو و جێگای تورکیاش لەڕووی نێودەوڵەتیەوە لق دەبوو، ئێستا وانییە بەڵکو پەکەکە شەرعیەتی ڕۆژئاوای کوردستانی خستە ژێر پێیەکانیەوەو بە جیهانی گۆتەوە کوردستانی ڕۆژئاوا بوونی نییەو تابعی سوریاین.

زۆرێک لە هاورێکانم کە کادرەکانی پارتیش زۆرینەیان بوون، بەو پەڕی حەماسەوەو لەپەکەکه بەهێزتر بەرگیریان لە پەکەکە دەکرد (ئاخر لە ڕاستیدا شەڕەکە شەڕی پەکەکەو تورکیا بوو ئەگەرەکەش هەر پەکەکە بوو قوربانیەکانیش کوردو کوردستان بوو کە تەنها ئەمە جێگای دڵگرانی بوو).. پێویستە ئەو ڕاستیە بزانرێت سیاسەت بە زوڵفی کچە گەریلاو داری تەمبور و گۆرانی لوری لوری ناکرێت، سیاسەت و عاتیفە دژ بەیەکن.

 

کامی کمال

زیاتر ببینه

ئه‌مانه‌ش ببینه‌

Back to top button