Uncategorized

حیزبوڵلا: هەڕەشە لەسەرۆکی پەرلەمان و پەرلەمانتارە کورد و عەرەبەکان دەکات

پەرلەمانی عێراق بۆ تاوتوێکردنی دەرکردنی هێزە بیانیەکان کۆدەبێتەوە

ئەمڕۆ پەرلەمانی عێراق بۆ تاوتوێکردنی پرسی دەرکردنی هێزە بیانیەکان کۆدەبێتەوە، حیزبوڵڵای عێراقی سەر بە هێزەكانی حەشدی شەعبیش هەڕەشە لە پەرلەمانتاران و سەرۆكی پەرلەمان دەکەن.

ئەمڕۆ یەک شەممە ٦ی کانونی دووەمی٢٠٢٠
پەرلەمانی عێڕاق بۆ پرسی دەرکردنی هێزە بیانیەکان لە عێراق کۆدەبێتەوە، لەو بارەیەوەش فەرماندەیەکی سەر بە ‌هێزەكانی حیزبوڵڵای عێراقی بەناوی ئەبو عەلی عەسكەری لەتویتێكدا وتوویەتی” سڵاومان بۆ بەڕێز حەلبووسی ، بەیانی و دواتریش بەوردی چاودێریان دەكەین لەبارەی بوونی هێزەكانی ئەمەریكا دەگەنە چی بڕیارێك، ئەمڕۆ پەرلەمانتارە نیشتیمان پەروەر و ناپاکەکان لەیەکتر جیا دەکرێنەوە“.

ئەو فەرماندەیە لەتویتەکەیدا وتویەتیشی” چاودێری پەیوەندییە ڤیدیۆییەكانتان دەكەین، كە لەگەڵ باڵیۆزخانەی شەڕ ( باڵیۆزخانەی ئەمەریكا) دەیكەن“.

ڕایشیگەیاندووە”ئەوەی لەدانیشتنەکەی ئەمڕۆی پەرلەماندا دەنگ بۆ مانەوەی هێزەکانی ئەمریکا بدات، ڕێگای پێنادرێت بێنە ناو بەغدا، یان لە خەندەقی حەق و شكۆ و ئازادی لەگەڵمان دەبن، یان دەچنە قەندەقی ناپاكی و نارەوایی“.

لەبەشێكی تری بەیاننامەكەی حیزبوڵڵای عێراقیدا هەڕەشە لە پەرلەمانتارە كوردەكان كراوەو ئاماژە بۆ ئەوە كراوە، هەندێك لە هێزە كوردییەكان خواستی مانەوەی هێزەكانیان هەیە، كە ئەوە پەیوەندی بە حەزی جواداخوازیانەوەیان هەیە.

سەبارەت بە پرسی بەشداری کردن لە کۆبونەوەکەی ئەمڕۆی پەرلەماندا، هەریەک لە فراکسیۆنە کوردەکان و پەرلەمانتارە سونەکان ڕایانگەیاندووە، بەشداری لە دانیشتنەکەی ئەمڕۆی پەرلەمانی عێراق ناکەن.

شەوی ٣ی ئەم مانگە لەهێرشێکی ئەمریکا بۆسەر فڕۆکەخانەی بەغدا قاسم سولەیمانی فەرماندەی فەیلەقی سوپای پاسدارانی ئێران و ئەبو مەهدی موهەندیس جێگری سەرۆکی دەستەی حەشدی شەعبی و چەند سەرکردەیەکی تری حەشدی شەعبی کوژران، دوای ڕووداوەکە ئێرانیش ڕایگەیاند لەکات و ساتی گونجاودا تۆڵە لەبکوژانی دەکەینەوە

زیاتر ببینه

ئه‌مانه‌ش ببینه‌

Back to top button