په‌نابه‌رانکوردستان

دیسان ڕووداوێكی هاتوچۆی په‌نابه‌ران له‌سه‌ر سنوری یۆنان ڕوویدا

نزیكه‌ی 24 كاتژمێر دوای ئه‌و ڕوداوی هاتوچۆیه‌ی كه‌ له‌سه‌ر ئۆتۆبانی شاری كافاله‌ ڕوویدا كه‌ بووه‌ هۆی ئاگر گرتنی ئۆتۆمبیله‌كه‌و گشت په‌نابه‌ره‌كان سوتان و گیانیان له‌ده‌ستدا ڕوداوێكی هاتوچۆی دیكه‌ له‌ هه‌مان شار ڕوویدا، به‌ پێی زانیاریه‌كان كه‌ ده‌ستی ماڵپه‌ری پشتی نیوس كه‌وتوون ڕوداوی هاتوچۆكه‌ ئێواره‌ی 1 شه‌می 14/10/18 كاتژمێر 18:00 ڕویدا

ئۆتۆمبێلێكی دیكه‌ به‌ 11 په‌نابه‌ره‌وه‌ كه‌ هاوڵاتی وڵاتی پاكستان بوون شۆفێره‌كه‌ش كه‌ هاوڵاتی وڵاتی جۆرجیا بوو، له‌ بازگه‌یه‌كی پۆلیسدا راناوه‌ستێت و سورعه‌تی ئۆتۆمبیله‌كه‌ی زۆر زیاد ده‌كات، 2 ئۆتۆمبێلی پۆلیس دوای ده‌كه‌ون به‌ڵام به‌ هۆی سورعه‌تی ئۆتۆمبێلی په‌نابه‌ره‌كان كه‌ به‌ سور؛ه‌تێكی زیاد له‌ پێویست ده‌ڕۆشت له‌ لۆفه‌كاندا كۆنترۆڵی خۆی له‌ ده‌ست ده‌دات و ده‌چێته‌ سایدی شه‌قامی به‌رامبه‌ر و ئۆتۆمبیله‌كه‌ وه‌ر ده‌گه‌ڕێت .

دوای چه‌ن خوله‌كێك پۆلیس و به‌رگری فریاكه‌وتن په‌نابه‌ره‌كان ڕزگار ده‌كه‌ن و پاش چه‌ن خوله‌كێك ئۆتۆمبێله‌كه‌ ئاگر ده‌گرێت ،

ئێستا گشت 11 په‌نابه‌ره‌ پاكستانیه‌كان له‌گه‌ڵ شۆفێره‌ جۆرجیه‌كه‌ ده‌ستبه‌سه‌ر كراون و له‌ به‌رده‌م لێكۆڵینه‌وه‌دان،

چه‌ن مانگێكه‌ هاتنی كۆچبه‌ران و په‌نابه‌ران له‌ توركیا به‌ ڕێگای وشكانی به‌ره‌و وڵاتی یۆنان زۆر زیادی كردووه‌ به‌و هۆیه‌شه‌وه‌ له‌سه‌ر ئۆتۆبانه‌كانی سه‌ر سنوری یۆنان و توركیا بازگه‌و كۆنتڕۆڵیان داناوه‌ هه‌ر ئۆتۆمبێلێك كه‌ په‌نابه‌ری تێدایه‌ له‌ بازگه‌كان ڕاناوه‌ستن و سورعه‌ت زیاد ده‌كه‌ن بۆیه‌ زۆربه‌ی كاته‌كان توشی ڕوداوی هاتوچۆ ده‌بن.

 

هه‌ڵۆ خه‌لیل

په‌یامنێری Pihti-News له‌ یۆنان

 

ئه‌و ئۆتۆمبیله‌ی كه‌ 11 په‌نابه‌ره‌كه‌ی تێدابوو
زیاتر ببینه

ئه‌مانه‌ش ببینه‌

Back to top button