ئەمڕۆ دووشەممە لەشەقامی (120)مەتری هەولێر لەنزیک فڕۆکەخانە ،ئۆتۆمبێلێک خۆی کێشا بەستونێکی کارەباوە.
لەبارەی ڕوداوەکەوە موقەدەم فازڵ حاجی، گوتەبێژی بەڕێوەبەرایەتیی ھاتوچۆی ھەولێر ڕاگەیاند: “درەنگانی شەوی ڕابردوو بەھۆی تەڕبوونی شەقام و تیژڕۆییەوە، ڕووداوێکی ھاتوچۆ لەسەر شەقامی 120 مەتریی ھەولێر ڕووی دا، کە ئۆتۆمبێلێک خۆی بە ستوونێکی سەر شەقامدا کێشا و ئۆتۆمبێلەکەش تەنیا شۆفێرەکەی تێدا بووە، ئەویش بە سەختی بریندار بووە”.
لەبارەی تەندروستی بریندارەکەیشەوە وتەبێژی هاتوچۆ ڕایگەیاند “ئێستا بریندارەکە لە نەخۆشخانەی فریاکەوتنە، پزیشکیش 24 کاتژمێریان بۆی داناوە و باری تەندروستی جێگیر نییە”.
