کوردستان

کۆمیتەی یۆنان: بەردەوام دەبین لەسەر رێبازی مام جەلال

 

لە کۆمیتەی یۆنان ی.ن.ک، بۆ یادی چلەی پڕشکۆی نیشتمان، رێورەسمێکی رێزلێنانی بۆ سەرۆک مام جەلال رێکخست.
رۆژی 11/10 بە ئامادەبوونی لێپرسراو و کارگێڕان و رێكخراوەكان و ئەندامانو ژمارەیەک لە هەڤاڵانی کۆمیتەی یۆنانی ی.ن.ن، لەیادی تێپەڕبوونی 40رۆژ بەسەر کۆچی دوایی، رێورەسمێکی رێزلێنان لەهەوڵ و خەبات و تێکۆشانی مام جەلال رێکخست.

رێورەسمەکە بەساتێک بێدەنگی ۆ رۆحی نەمری مام دەستیپێکرد، پاشان هەڤاڵ رەوا حەمە، وتارێکی پێشکەشکرد، تێیدا رووناکی خستە سەر وێستگەکانی ژیانی سەرۆک مام جەلال و رۆڵی بەڕێزیانی لەهەموو کایەکانی ژیان بەرزنرخاندو جەختی لە بەردەوام بوون لەسەر رێبازی سەرۆک مام جەلال کردەوە بۆ چارەسەری هەموو کێشەکان، بەتایبەتی ئاماژەیکرد بۆ هەوڵە بەردەوامەکانی لەپەیوەست بوون و پەیڕەوکردنی سیاسەتی پێکەوە ژیان لەناوچە جێ ناکۆکەکاندا، وتی ” مام بەحیکمەتی ژیرانەی پردی دۆستایەتی و خۆشەویستی لەنێوان پێکهاتەکانی ناوچە جێ ناکۆکەکان دروستکردبوو، هەربۆیە هەمیشە جەختی لە بەئاشتی پێکەوەژیانی پێکهاتەکان دەکرەوە”.

لەبەشێکی تری وتەکەیدا لێپرسراوی کۆمیتەی یۆنان ئاماژەی بۆ دەوری سەمام ئەمانی هەرێم و عیراق کرد لەچارەسەری قەیرانەکاندا لەناوچەکەو عیراق و هەرێمدا کە بەدوربینیی و ئەزموونی قاڵبووی لە خەباتو تێکۆشان چارەسەری شایستەی بۆ دەدۆزینەوە.

هەڤاڵ رەوا رایگەیاند، هەروەکو سەرۆک مام جەلال جەختیکردۆتەوە، هەموان بەگیانی هەستکردن بە بەرپرسیارێتی قۆناغەکەوە، کاردەکەین بۆ پاراستنی هەموو یەکێتییەکان، واتا، یەکێتی نێوان کۆمەڵانی خەڵک و هێزو لایەنە سیاسییەکان و یەکێتی ناو یەکێتیی نیشتمانیی کوردستان.

لای خۆیانەوە هەڤاڵانی بەشداربووی رێورەسمەکە، وێڕای دەربڕینی تێبینی و دیدو تێڕوانینەکانیان، تەئکیدیان لەبەردەوام بوون لەسەر رێبازی سەۆک مام جەلال کردەوە و خەبات و هەوڵی لێبڕاوانەی هەفتا ساڵەیان بەرزنرخاند لە ناساندنی پرسی رەوای كورد بەهەموو جیهان.

 

شۆڕش حەمید/ ئەسینا

 

زیاتر ببینه

ئه‌مانه‌ش ببینه‌

Back to top button