پۆلیسی یۆنان به ئهمری دادگای یۆنان، وێنهكانی بۆكوژهكانی ئهو یۆنانیهیان بڵاو كردهوه كه له شهوی 15/08/18 ، ههرسێكیان پێكهوه، گهنجێكی یۆنانی تهمهن 25 ساڵیان كوشت.
دادگای یۆنان ههرسێ بۆكوژهكهی تۆمهت بار كرد به تاوانی مهبهستی كوشتنی گهنجه یۆنانیهكه و به تاوانی دزی كردن و ههڵ گرتنی چهقۆ به نایاسایی.
رۆژی دووشهمه، دوای بردنه بهردهمیان بۆ بهردهم دادوهر، دادگای یۆنان، بریاریدا به زیندانی كردنی پاكستانیه تهمهن 17 ساڵهكه و پاكستانیه تهمهن 28 ساڵهكه و عێراقیه تهمهن 25 ساڵهكه.
وهك تیمی پشتی-نیوز ههواڵی كوشتنی گهنجه یۆنانیهكهمان بڵاو كردهوه (لینكی چۆنیهتی كوشتنی گهنجه یۆنانیهكه)، رووداوهكه شهوی 15/8 له چیای فیلۆپاپو له ئهسینا روویدا كه شوێنێكی گهشتیاریه و ئهو شهوه، نیكۆلاس موستاكاس، گهنجه یۆنانیهكه له گهڵ كچێكی هاورێی خۆیدا بوو كه به رهگهز پۆرتوگالی بوو و سهرهتا ههردوو پاكستانیهكه نزیكی گهنجه یۆنایهكه و كچه پۆرتوگالیهكه بوبون و داوای جگهرهیهن كردبوو، بهڵام ئهوان وتیان كه جگهرهكێش نین و پاش چهند خولهكێك گهڕابوونهوه له گهڵ عێراقیهكه به چهقۆ و شوشهی شكاو داوای پاره و مۆبایلیان له ههردوو گهنجهكه كردبوو، بهڵام به پێی وتهی بۆكوژهكان، گهنجه یۆنانیهكه لهو كاتهدا قاچی دهخلیسكێ و له چیاكهده دهكهوێته خوارهوه و گیان له دهست دهدات.
بۆكوژهكان له یهكهم دهقهوه دهڵێن كه مهبهستی كوشتنیان نهبوو، بهڵكو له كاتی ههوڵدانی دزی كردنیان، گهنجه یۆنانیهكه له چیای فیلۆپاپو، ویستی خۆی بكشێنێت له ئێمه و ههنگاوێكی بۆ دواوه نا و له چیاكه كه بهرزی زیاتر له 15 مهتر بوو، كهوته خوارهوه.



به پێی زانیاریهكان كه دهستی Pishti-News كهوتون، ههرسێ بۆكوژهكان به دادوهریان دووپات كردهوه كه به نیازی دزی كردن بوون نهك كوشتنی گهنجه یۆنانیهكه.
له ههمان كاتدا، پاكستانیه تهمهن 27 ساڵهكه به دادوهری وت: هاورێكهم (پاكستانیه تهمهن 17 ساڵهكه)، جانتای كچهكهی رفاند و تهماشای كرد كه نه مۆبایل و نه پارهی تێدا بوو و كچهكهش وتی مۆبایلهكه لای خۆمه و پێتان دهدهم. لهو كاتهدا، گهنجه یۆنانیهكه دهستی كرده گیرفانی و پاكستانیه تهمهن 17 ساڵهكه وایزانی كه هێرش دهكات سهری و دهستی لێ بهرز كردهوه و گهنجه یۆنانیهكه له ترسا ههنگاوێكی بۆ دواوه نا و خلیسكا و كهوته خوارهوه.
پشتیوان جاف
بهڕێوبهری Pishti-News
سهرچاوه: میدیاكانی یۆنان