باندێكی قاچاخچهتی كوردی و پاكستانی له یۆنان، كه به نایاسایی پهنابهر و كۆچبهریان به یهخت دهگواستهوه بۆ ئیتاڵیا، دهستگیر كرا
باندێكی قاچاخچێتی كوردی و پاكستانی كه كۆچبهر و پهنابهرانیان دهگواستهوه به یهختی تایبهت له ناوچه سنوریهكانی یۆنانهوه بهرهو ئیتاڵیا، له لایهن پۆلیس و هێزی تایبهتی یۆنان دهستگیر كران.
به پێی بڵاو كراوهی پۆلیسی یۆنان، 6 ئهندامی باندهكه (5 كهسی بیانی و هاوڵاتیهكی یۆنانی) تا ئێستا دهستگیر كراون له دورگهی كهركهركه له باكوری یۆنان و له ئهسینای پایتهختی یۆنانیش. وهك باس دهكرێت، باندهكه بڕی 5.500 یۆرۆی له ههر پهنابهرێك وهردهگرت تاكو بیانگوازنهوه به نایاسایی بۆ ئیتاڵیا.
چۆن باندهكه دهستگیر كرا
به پێی زانایریهكانی ماڵپهڕی پشتی-نیوز، بهرهبهیانی ڕۆژی ههینی كاتژمێڕ 5:00, له دورگهی كهركهره (باكوری یۆنان)، پۆلیس و هێزی تایبهتی یۆنان له كاتی سهرخستنی 23 كۆچبهر بۆ ناو یهختێكی 15 مهتری، ههموویان دهستیان بهسهردا گیرا. ههروهها پۆلیسی ئهسینا، زانیاری تهواوی باندهكهی لابوو و ئاگای له ههموو جموجۆڵی قاچاخچیهكان بوو، ههر بۆیه دوێنێ رۆژی شهممه 18/7/2020 له ئهسینای پایتهختی یۆنان، چهند كوردێكی دهستگیر كرد وهك ئهندامی سهرهكی باندی قاچاخچێتیهكه. به پێی بهیانامهی پۆلیسی یۆنان، 5 ئهندامی دیكه دهستگیر كنهكراون و نشتهجێی دهرهوهی ولاتی یۆنانن.
پۆلیسی یۆنان چهند مانگێك چاودێری باندهكهی دهكرد
به پێی بهیانامهكهی پۆلیسی ئهسینا، چهند ماگێك دهبێت چاودێری باندهكه دهكرا و باس لهوه دهكرێت كه له مانگی 6ی ساڵی 2019هوه ئهم بانده به یهخت كۆچبهر و پهنابهر به نایاسایی دهنێرێته ئیتاڵیا.
سهرهتا باندهكه به دوای یاختی 10 تا 15 مهتر دهگهڕا بۆ كڕین و گواستنهوهی لانی كهم 20 تا 30 كۆچبهران له ڕێگهی ئاوی یۆنانهوه بۆ ئیتاڵیا. كاتێك یهختهكه دهدۆزرایهوه، دهیانكرد به ناوی كهسێكی بوڵغاری و چهند ئهوراقێكی ساختهیان دروست دهكرد كه گوایه به نرخێكی كهم یهختهكه كڕاوه.
دواتر، باندهكه یهختهكهی دهنارده بهندهرهكانی ئهسینا و دورگه نزیكهكانه ئهسینا و چهند ڕۆژێك لهوێ دهمانهوه و زوو زوو بهندهرهكانیان دهگۆڕی و كهپتنی یهختهكهیش دهگۆڕدرا (بێ ئهوهی كۆچبهریان له گهڵ بێت)، تاكو پۆلیس و هێزه ئهمنیهكان گومان له یهختهكه نهكهن.
به پێی زانیاریهكانی پۆلیسی یۆنان، ههر كۆچبهرێك بڕی 5.500 یۆرۆی دهدا به قاچاخچیهكان، تاكو به نایاسای ڕهوانهی ئیتاڵیای بكهن.

ساتهوهختی دهستگیر كردنی 23 كۆچبهری باندهكه
ڕۆژی ههینی باندهكه به نیاز بوو له دورگهی كهركهرهوه 23 كۆچبهر به نایاسایی به یهختێكی 10 مهتری به ئاڵای وڵاتێكی بیانی، ڕهوانهی ئیتاڵیا بكات. پۆلیس و هێزه ئهمنیهكان له زنیكهوه چاودێری پرۆسهكهیان دهكرد و زانیاری تهواویان له سهر گوستنهوهی ئهو كۆچبهرانه ههبوو. ههروهها، پۆلیس باش دهیزانی كۆچبهرهكان له كوێیهوه بهڕێ دهكهون بهرهو یهختهكه و ئاگایان له جوڵهی یهختهكه ههبوو له كاتی بهڕێ كردنی له بهندهری ئێسینا بهرهو دورگهی كهركهره، تهنها چاوهڕێی ئهوهیان دهكرد، كۆچبهرهكان بخرێنه ناو یهختهكه و ههمووان پێكهوه دهستگیر بكرێن.
كۆچبهرهكان شهوی پێنجشهممه 16/07/2020 له ئهسیناوه گهیشتنه یهكێك له هۆتێلهكانی كهركهره كه زۆر نزیكی بهندهری ئهو دورگهیه بوو. یهختهكهیش بهرهبهیانی ههینی گهیشته بهندهری كهركهره و لهو كاتهدا كۆچبهرهكانیان ههڵگرت و كهسێكیش له بهرزاییهكدا له دوورهوه چاودێری ناوچهكهی دهكرد له ئهگهری نزیك بوونی پۆلیس و هێزی دهریاوانی یۆنان.
لهو كاتهدا پۆلیسی كهركهره به ههماههنگی هێزی تایبهتی ئهسینا، یهختهكهیان دهستبهسهر كرد و ههر 23 كۆچبهر و كاپتن و یهكێك له ئهندامی باندی قاچاخچێتیهكهیان له ناو یهختهكه دهستگیر كرد.
له ههمان كاتدا پۆلیسی ئهسینا له سهنتهری ئهسینا 5 ئهندامی باندهكهیان دهستگیر كرد، كه زۆرینهیان كوردن.
پۆلیسی كهرهكهره ڕایگهیاندووه، له كاتی دهستبهسهر كردنی یهختهكه، هیچ چووپێكی سهلامهتی له ناو یهختهكهدا نهبوو، ههروهها هیچ ئهوراقێكی ڕهسمی تێدا نهبوو، ئهوهش ژیانی كۆچبهرهكانی دهخسته مهترسیهوه له ئهگهری ژێر ئاو كهوتنی.
له بهدواداچوونی پۆلیسی كهركهره، چهند ئامێر و مۆبایلیان دهست كهوت كه وێنه و خهریتهی تێدا بوو ههروهها ئهوراقی گواستنهوهی پارهیان دهستكهوت كه باندهكه بهكاریان دههێنا بۆ كاری نایاساییان.
European Multidisciplinary Platform Against Criminal Threats – Facilitated Illegal Immigration/EMPACT FII