چه‌ند كاتژمێرێك به‌ر له‌ ئێستا، به‌له‌مێك به‌ 52 كۆچبه‌ره‌وه‌ كه‌ له‌ توركیا به‌ڕێ كه‌وتوبوو به‌ره‌و دورگه‌ی لێسڤۆس، له‌ ڕێگادا، به‌له‌مه‌كه‌ ژێر ئاو كه‌وت.

به‌ پێی زانیاریه‌كان كه‌ ده‌ستی ماڵپه‌ری پشتی-نیوز كه‌وتون، هێزی ده‌ریایی یۆنان، به‌ په‌له‌ گه‌ۆیشتنه‌ شوێنی رووداوه‌كه‌ و توانین 51 كۆچبه‌ر ڕزگار بكه‌ن و كچێكی ته‌مه‌ن 15 ساڵ تا ئێستا نادیاره‌.

به‌ هۆی كه‌ش و هه‌واوه‌وه‌ كه‌ ناله‌به‌ر بوو و ژماره‌یه‌كی زۆریش له‌ ناو به‌له‌مه‌كه‌ بوون، دوای چه‌ند خوله‌كێك كه‌ به‌ڕێ كه‌وتون كۆچبه‌ره‌كان، ژێر ئاو كه‌وتن.

ڕاگه‌یاندراوی پۆلیسی ده‌ریای یۆنان ده‌ڵێت: كه‌ش و هه‌وا ناله‌به‌ر بوو، ته‌نیا ئه‌و منداڵه‌ هێله‌كی سه‌لامه‌تی پێ نه‌بوو كه‌ له‌ ئێستا نادیاره‌ و به‌دوای ده‌گه‌ڕێین.

گشت په‌نابه‌ره‌ رزگاركراوه‌كان ڕه‌وانه‌ی سكالا سیكامنیا، سه‌ر به‌ دورگه‌ی لێسڤۆس كراون.

 

پشتیوان جاف (Pishtiwan Jaf)

به‌ڕێوبه‌ری Pishti-News