بەریتانیا: هەر کۆچبەرێک دوور بخرێتەوە هەرگیز مافی گەڕانەوەی بۆ بەریتانیا نابێت

حکومەتی بەریتانیا لەم هەفتەدا چەند یاسایەکی نوێی تووند دەخاتە بواری جێ بەجێ کردن بۆ دیپۆرت کردنی کۆچبەران و ڕێگری گرتن لەوانەی بە چووپ و نایاسایی ڕووی تێ دەکەن، مافی مانەوەیان لەو وڵاتە نەبێت

ڕیشی سوناک، سەرۆک وەزیتانی شانشینی بەریتانیا، ئەم هەفتەیە چەند یاسایەکی نوێ و تووند دژی کۆچبەران ڕادەگەیەنێت بۆ ڕاگرتنی کۆچی نایاسایی و ڕێگری گرتن لەو کۆچبەرانەی بە تایبەت بە چووپ و نایاسایی ڕووی تێدەکەن، مافی داوا کردنی مافی پەنابەریان نەبێت.

ڕۆژی سێشەممە حکومەتی بەریتانیا چەند یاسایەکی نوێ و تووند دژی کۆچبەری نایاسایی ڕادەگەیەنن، بە پێی میدیاکانی بەریتانیا، پێشنیاری ئەوە کراوە یاسایەک بخەنە بواری جێ بەجێ کردن بۆ ئەو کۆچبەرانەی بە چووپ و نایاسایی ڕوو لەو وڵاتە دەکەن دیپۆرتیان بکەنەوە و هەرگیز مافی گەڕانەوان بۆ ناو خاکی شانشینی بەریتانیا نەبێت.

وەزیر و بەرپرسانی حکومەتی بەریتانیا دەیانەوێت پەیامێکی تووند ئاراستەی کۆچبەران بکەن تاوەکو چی دیکە ڕێگەی قاچاخ و مەترسی نەگرنە بەر بۆ گەیشتنیان بە بەریتانیا.

هەروەها پێشنیاری ئەوە کراوە، ئەو کۆچبەرانەی بە ڕێگەی قاچاخ و چووپ ڕوو لە بەریتانیا دەکەن، هەرگیز مافی مانەوەیان لەو وڵاتە نەبێت و هەرگیز نەتوانن ببنە خاوەنی هاوڵاتینامەی بەریتانی.

ڕێکخراوانی پەنابەران لە بەریتانیا ڕەخنەی تووند لەم بڕیارە دەکەن و دەڵێن کە ئەوە سەرناکەوێت و هەزاران پەنابەر کێشە و ئاڵۆزیان بۆ دروست دەبێت.

سبەینێ ڕۆژی سێشەممە ڕیشی سوناک، سەرۆک وەزیانی بەریتانیا، بڕیارەکان ئاشکرا دەکات و باس لە چۆنیەتی جێ بەجێ کردنی ئەو یاسانە دەکات.

بەرپرسێکی حکومەتی بەریتانیا بە Daily Mailی ڕاگەیاند:

ئەم پرۆژەیاسایە ئەگەر دەنگی پێویست بە دەست بێنێت لە ناو پەرلەماندا، واتە هەر کۆچبەرێک بە نایاسایی و رێگەی قاچاخ ڕوو لە شانشینی بەریتانیا بکات، دەستبەجێ دوور دەخرێتەوە و هەرگیز ماگی گەڕانەوەشی بۆ خاکی بەریتانیا نابێت.

هەمان بەرپسی ئەوەیشی بۆ Daili Mail ئاشکرا کرد:

پەنابەران یاسای مافی پەنابەری بەریتانیا بۆ بەرژەوەندی خۆیان بەکار دەهێنن و هەموو ڕێگایەک دەگرنە بەر بۆ ئەوەی لە بەریتانیا دوور نەخرێنەوە. مانەوە لە بەریتانیا و ببیتە خاوەنی هاوڵاتینامەی بەریتانیا مافێکی مرۆڤ نیە، دەستکەوتێکی ئەرێنیە. هەر بۆیە ئێمە ڕێگری لە کۆچبەرە نایاساییەکان دەکەین و ڕێگەیان پێ نادەین بگەڕێنەوە بۆ ناو خاکی شانشینی بەریتانیا

ڕیشی سوناک بەڵێنی 5 خاڵی داوە بە بەریتانیا و یەکێک لە خاڵە گرنگەکانی ئەوەیە، ئەو چووپانەن کە کۆچبەران بە نایاسایی لە فەڕێنساوە دێنە ناو خاکی بەریتانیا ڕایانبگرێت. دەشڵێت:

بڕیارم داوە بەلێنەکانی خۆم جێ بەجێ بکەم و چووپەکان ڕاوەستێنم. بۆیە ئەو هەڵەیە نەکەن، ئەگەر بە نایاسایی بێنە خاکى بەریتانیا، مافی مانەوەتان نابێت

سبەینێ ڕۆژی سێشەممە ڕیشی سوناک پرۆژەیاسایەکی نوێ دەخاتە ڕوو و داوا لە ئەندامانی پەرلەمان دەکات دەنگیان پێ بدەن.

پشتیوان جاف (Pishtiwan Jaf)

بەڕێوبەری پشتی-نیوز