دابهشكردنی مووچه له UNHCRوه ڕادهستی وهزارهتی پهنابهری یۆنان كرا
نزیكهی 4 ساڵ دهبێت UNHCR مووچهی به سهر پهنابهران دابهش دهكرد بهڵام له ئهمڕۆوه 01/10/2021 دابهشكردنی مووچهی پهنابهران له لایهن وهزارهتی پهنابهرانی یۆنانهوه جێ بهجێ دهكرێت.
به پێی ئهو زانیاریهكان كه دهستی پشتی-نیوز كهوتوون، هێشتا وهزارهتی پهنابهرانی یۆنان، هیچ گرێبهستێكی له گهڵ بانكێكی یۆنانی نهكردووه تاكو ئهوان كارتی بانكی نوێ بدهن به پهنابهران و مووچهكانی خۆیان وهربگرن. بهرپرسێكی باڵای وهزارهت تایبهت به پشتی-نیوزی ڕاگهیاند كه ئهوه لهم ههفتهدا جێ بهجێ دهكرێت و گرێبهستێك له گهڵ بانكێك دهبهستین و ههموو میدیاكارانیش ئاگادار دهكهینهوه.
گوتیشی، لهمهو دوا، بهرپرسانی كهمپهكان بهرپرس دهبن له تۆمار كردنی ناوی ئهو كهسانهی پێویسته مووچه وهربگرن. هیچ پێویست ناكات سهردانی بنكه و باڵهخانهی حكومی بكهن. ئهو پهنابهرانهش كه له خانودان، بهرپرسانی ڕێكخراوهكان كه خانوهكانیان له ئهستۆدایه ئهوان ناویان تۆمار دهكهن.
پشتیوان جاف: بهڕێز پهنابهران نیگهرانن و دهڵێن مووچهیان فهوتاوه و دوو مانگ دهبێت مووچهیان وهرنهگرتووه، ئایه چی بۆ ئهوانه دهكهن؟
بهرپرسی وهزارهتی پهنابهرانی یۆنان: ئهوه ڕاست نیه، چونكه مانگی 7 دوو مووچهیان وهرگرت، واته بۆ مانگی 9 و 10 مووچهی خۆیان وهرگرتووه. بهڵام ئهوهی له ئێستادا گۆڕانكاری پێهاتووه ئهوهیه كه جاران سهری مانگ مووچهیان وهردهگرت بۆ مانگی داهاتوویان، ئێستا وانیه. ئێستا كۆتایی مانگی 10 مووچه وهردهگرن، نهك ئێستا .
پشتیوان جاف: سهبارهت به ئیقامهكان، پهنابهران ناڕهزایهتی دهردهبڕن چونكه بهشهكی زۆریان ئیقامهی وهرگرتووه بهڵام زیاتر له 8 مانگ و 10 مانگ دهبێت هێشتا ID كارت و پاسپۆرتی وهرنهگرتووه. پهنابهر ههیه زیاتر له ساڵێك دهبێت له چاوێروانیدایه و نه ID نه پاسپۆرتهكهی یهرگرتووه. بۆچی پهنابهره كۆنهكان هێنده تاخیر دهبن؟ كارێك ئهكهن بۆ ئهوانیش تاكو به شێوهیهكی خێرایی ئهوراقهكانیان وهربگرن؟
بهرپرسی وهزارهتی پهنابهرانی یۆنان: بهڕێز پشتیوان جاف، زانیاریم له سهر ئهوان نیه و دڵنیاشم له قسهكانتان كه ڕهنگه خهڵانێكی زۆر ههبن له چاوهڕوانیدا بن، بهڵێن دهدهم كه داواكاری و پرسیارهكهتان بگهینمه جهنابی وهزیر تاكو ئهو كێشهیه چارهسهر بكرێت.
پشتیوان جاف (Pishtiwan Jaf)
بهڕێوبهری Pishti-News