به‌ پێی ئاماری فه‌رمی وه‌زاره‌تی په‌نابه‌رانی یۆنان، 15 كۆچبه‌ر به‌ پێی ئه‌و ڕێكه‌وتنامه‌ی نێوان توركیا و یه‌كێتی ئه‌وروپا كه‌ له‌ ساڵی 2016 واژوو كرا، دیپۆرت كرانه‌وه‌ و به‌ پێی پرۆتۆكۆلێكی دیكه‌ی نێوان توركیا و یه‌كێتی ئه‌وروپا له‌ سه‌ر كۆچبه‌ری نایاسایی, 8 كۆچبه‌ری دیكه‌یش له‌ یۆنانه‌وه‌ دیپۆرتی توركیا كرانه‌وه‌.

هه‌روه‌ها به‌ پێی ئاماره‌ فه‌رمیه‌كانی وه‌زاره‌تی په‌نابه‌رانی یۆنان له‌ ساڵی 2016 و 2017 و 2018 و 2019 به‌ گشتی 1.907 كۆچبه‌ر و په‌نابه‌ر دیپۆرتی توركیا كراونه‌ته‌وه‌.
2016:  801 دیپۆرت

2017:  683 دیپۆرت

2018: 322 دیپۆرت
2019 تا ئێستا: 101 دیپۆرت
له‌ نێو ئه‌م ئاماره‌ فه‌رمیانه‌دا 351 كه‌سیان هاوڵاتی سوری بوون.
جێگه‌ی باسه‌ كه‌ له‌ ساڵی 2016ه‌وه‌ له‌ دوای ڕێكه‌وتنی توركیا و یه‌كێتی ئه‌وروپا تا ئه‌مڕۆ، 3.410 كۆچبه‌ر له‌ سه‌ر خواست و داوای خۆیان، له‌ ڕێگه‌ی ڕێكخراوی IOMه‌وه‌ خۆیان بۆ وڵاتانی خۆیان دیپۆرت كردۆته‌وه‌.
سه‌رچاوه‌: IOM و ماڵپه‌ڕی فه‌رمی وه‌زاره‌تی په‌نابه‌رانی یۆنان
پشتیوان جاف (Pishtiwan Jaf)
به‌ڕێوبه‌ری Pishti-News