پۆلیسی فه‌ڕه‌نسا به‌ هه‌ماهه‌نگی هێزه‌ ئه‌منیه‌كانی هۆڵه‌ندا، 23 قاچاخچیان ده‌ستگیر كرد كه‌ گومانی ئه‌وه‌یا لێده‌كرێت كه‌ گوایه‌ 10.000 كوردیان له‌ فه‌ڕه‌نسا و هۆڵه‌ندا په‌ڕاندۆته‌وه‌ بۆ به‌ریتانیا

 

به‌ پێی میدیاكانی فه‌ڕه‌نسا و به‌ریتانیا، 23 قاچاخچی كه‌ زۆرینه‌یان كوردن، له‌ وڵاتی فه‌ڕه‌نسا ده‌ستگیر كران، چونكه‌ ئه‌م گروپه‌، كۆچبه‌ریان له‌ فه‌ڕه‌نساوه‌ به‌ بارهه‌ڵگری و سه‌ردكه‌ره‌وه‌ و به‌له‌م كۆچبه‌ر و په‌نابه‌ریان بۆ وڵاتی به‌ریتانیا به‌ نایاسایی ده‌گیاسته‌وه‌.

به‌ پێی زانیاریه‌كانی كه‌ناڵی BBC به‌ریتانی، هه‌ر په‌نابه‌رێك بڕی 7.000 یۆرۆی ده‌دا به‌ قاچاخچیه‌كان تاكو به‌ لۆری یاخود چوپ و به‌له‌م بیانگوازنه‌وه‌ بۆ وڵاتی به‌ریتانیا.

گروپی Eurojust كه‌ پێك هاتووه‌ له‌ هێزێكی تایبه‌ت بۆ ده‌ستگیر كردنی قاچاخچی و بانده‌كان، سه‌ه‌ره‌تا 19 قاچاخچیان له‌ فه‌ڕه‌نسا ده‌ستگیر كرد كه‌ ئۆتۆمبیلی ڕه‌قه‌م هۆڵه‌ندیان پێبوو و له‌ فه‌ڕه‌نسا نزیك دانكیخك ده‌سوڕانه‌وه‌ و قسه‌یان له‌ گه‌ڵ كۆجبه‌ر و په‌نابه‌ره‌كان ده‌كرد تاكو ڕێكبكه‌ون له‌ سه‌ر چۆنیه‌تی گواستنه‌وه‌یان بۆ به‌ریتانیا. دواتریش 4 قاچاخچی دیكه‌ له‌ هۆڵه‌ندا و به‌لجیكا ده‌ستگیر كران به‌ هه‌مان تۆمه‌ت.

به‌ پێی Eurojust, ئه‌م گروپه‌ قاچاغچیه‌، ڕۆژانه‌ په‌یوه‌ندیان هه‌بووه‌ له‌ گه‌ڵ كۆچبه‌ره‌ كورده‌كان زیاتر و به پێی لێكۆڵینه‌وه‌كان كه‌ له‌ نێوان ساڵێكدا زیاتر له‌ 10.000 كوردیان به‌ نایاسایی له‌ فه‌ڕه‌نساوه‌ گوستۆته‌وه‌ بۆ وڵاتی به‌رتیانیا.

سه‌رچاوه‌: BBC

پشتیوان جاف (Pishtiwan Jaf)

به‌ڕێوبه‌ری Pishti-News