ریكس تیله‌رسن، وه‌زیری ده‌ره‌وه‌ی ئه‌مه‌ریكا، هۆشداری ده‌داته میلیشیا شیعه‌كانی سه‌ر به ئێران له عێراق و داواده‌كات له خاكی عێراق بچنه ده‌ره‌وه. ریكس تیله‌رسن، دوای كۆبوونه‌وه‌ی له‌گه‌ڵ هاوتا سعوودیه، عادل جوبێر، له باره‌ی دامه‌زراندنی ئه‌نجوومه‌نێكی تایبه‌ت به هه‌مانی نێوان سعوودیه و عێراق رایگه‌یاند، بۆ سه‌قامگیری ناوچه‌كه په‌یوه‌ندی نێوان ئه‌و دوو وڵاته ده‌بێت به‌رده‌وام بێت. روونیشی كرده‌وه، سه‌قامگیری ناوچه‌كه سوودی بۆ ته‌واوی گه‌لانی ناوچه‌كه، كورد و شیعه و سووننه ده‌بێت و ئه‌نجوومه‌نی هه‌ماهه‌نگی سعوودیه و عێراق، كاریگه‌ری ئه‌رێنی هه‌یه.
