ئه‌مرۆ له‌ مالتا له‌ كۆبونه‌وه‌یه‌كی  وه‌زیرانی ناوه‌خۆی پێنج ولاتی یه‌كێتی ئه‌ورووپا ره‌زامه‌ندی خۆیان ده‌ربری و رازی بوون به‌ وه‌رگرتنی په‌نابه‌ران به‌ شێوه‌یه‌كی یه‌كسان ،

دوای كۆبونه‌وه‌ی ولاتانی ئه‌ندامانی یه‌كێتی ئه‌ورووپا  بریاریان دا میكانیزمێكی ئۆتۆماتیكی  نوێ دابرێژێن بۆ دابه‌شكردنی په‌نابه‌ران ،

 

له‌ سه‌ر داواكاری ئیتالیا و مالتا  به‌ تایبه‌ت ئیتالیا ئه‌مرۆ كۆبونه‌وه‌یه‌ك به‌ رێوه‌چوو بۆ گفتوگۆ كردن له‌ باره‌ی دابه‌شكردنی په‌نابه‌ران

دوای سه‌ردانیكردنی مانێوێل ماكرۆن بۆ ئیتالیا و گفتوگۆكردن له‌ باره‌ی دابه‌شكردنی په‌نابه‌ران  له‌ گه‌ڵ سه‌رۆكی ئه‌و ولاته‌ ،

ئه‌مرۆ دووشه‌مه‌ هه‌ر  یه‌ك له‌ ولاته‌كانی فه‌ره‌نسا و ئه‌لمانیا و فیله‌ندا و ئیتالیا و ماڵتا رازی بوون كه‌  په‌نابه‌ران به‌ شێوه‌یه‌كی یه‌كسان دابه‌شبكه‌ن و وه‌ داواشیان كرد هه‌ر 28 ولاتی ئه‌ندانی یه‌كێتی ئه‌ورووپا ئه‌و میكانیزمه‌ قوبول بكه‌ن و  ئه‌وانیش په‌نابه‌ر وه‌ربگرن به‌ شێوه‌یه‌كی یه‌كسان ،

له‌ كۆبونه‌وه‌كه‌دا گوتیان بۆ ماوه‌یه‌كی كاتی كار به‌و میكانیزمه ده‌كه‌ین تاكو كۆمیسیۆنی یه‌كێتی ئه‌ورووپا یاسای دوبلین جارێكی تر رێك ده‌خاته‌وه‌و چاوی پێدا  ده‌خشێنێته‌وه‌ .