به بڕیاری وهزیری پهنابهرانی یۆنان، تا كۆتایی مانگی ئهیپریڵ، 2.000 پهنابهر له دورگهكانی یۆنانهوه بهرهو شار و شارۆچكهكانی باكوری ئهسینا دهگوازرێنهوه.
وهزیری پهنابهرانی یۆنان، نۆتیس میتاراكیس (Notis Mitarakis) له چاوپێكهوتنێكی ڕۆژنامهوانیدا ڕایگهیاند كه تا كۆتای ئهم مانگه نزیكهی 2.000 پهنابهر له دورگهكانی یۆنانهوه، ڕهوانهی كهمپ و هۆتێلهكانی شار و شارۆچكهكانی باكوری یۆنان دهكرێن.
میتاراكیس، ئاماژهی بهوهشدا كه سهرهتا ئهو پهنابهرانه له دورگهكان دهگوازرێنهوه كه له حاڵهتی تایبهتدان یاخود نهخۆشی درێژخایهنیان له گهڵه، بهتهمهنن و پێویستیان به خزمهتی تایبهته.
ههروهها گوتیشی، كه پشكنین بۆ ههموو پهنابهران له كهمپهكانی دورگهكاندا كراون و هیچ حاڵهتێكی تووشبوو نیه تا ئێستا. ههر بۆیه، ئهو پهنابهرانهی كه ڕهوانهو باكوری یۆنان دهكرێن، دهخرێنه هۆتێل دوور له شار و شوێنه گشتیهكان بۆ پاراستنی خۆیان و هاوڵاتیانیش.
پشتیوان جاف (Pishtiwan Jaf)
بهڕێوبهری Pishti-News